Հայաստանը, 1993-ին առաջին INET93 համաժողովին մասնակցելուց հետո, իրավունք ստացավ գրանցել իր դոմենային տիրույթը՝ .am անվան ներքո։ Մինչ այդ, ինչպես ողջ աշխարհում, մեր երկրում եւս դոմենային անունները գրանցվել են վերին մակարդակի .com, .org, .net տիրույթներում:

Համաժողովում հայտարարվել է ազգային դոմենները վարելու իրավունքի մասին, ինչպես նաեւ ներկայացվել են համաշխարհային կորպորացիայի հետ համագործակցելու պահանջները։ Հայաստանի պատվիրակ Իգոր Մկրտումյանը, մի խումբ նվիրյալ համախոհների հետ, ապահովել է դոմենային անուններ վարելու իրավունքը ստանալու համար պարտադիր պայմանները, հետագայում նաեւ՝ .am դոմենի գործակումը։

Կանոնակարգով հաստատվել է, որ ազգային դոմենը պետք է կառավարի տվյալ երկրի ինտերնետ օգտագործողների միությունը։ Հայաստանում այդ կազմակերպությունը «Ինտերնետ հանրություն» ՀԿ-ն է։

Այսպիսով, .am դոմենային տիրույթի պաշտոնական թողարկման օր է համարվում 1994 թվականի օգոստոսի 26-ը։ Ազգային .հայ տիրույթը գործարկվել է ավելի ուշ՝ 2016-ի մայիսի 5-ին:

Այժմ .am տիրույթում գրանցված է 44793, իսկ .հայ տիրույթում 980 դոմեն: